Никола Коџабашија во „60 минути со Соња Исмаил" на Канал 103 ::: 01.04.2013 ::: 20-21 ч.

Почитувани, 
со нескриено задоволство ви го најавувам гостувањето на Никола Коџабашија во „60 минути со Соња Исмаил" на Канал 103, во понеделник 1-ви април 2013, од 20-21 ч. Пијанист, диригент, композитор... И човек со урнебесен хумор. Идеален за првоаприлски муабет во радио.
Бидете со нас!
*Ова издание ќе се емитува еден час порано од вообичаениот термин. Слушајте не од 20-21 ч. на Канал 103. 

Жарко Пејковски Ж'ба во „60 минути со Соња Исмаил" на Канал 103 ::: 25.03.2013

Драги слушатели,
Ве поканувам во понеделник 25.03.2013 година, од 21-22 ч. на Канал 103, да го проследите најновото издание на „60 минути со Соња Исмаил", во кое гостин ќе биде Жарко Пејковски Ж'ба од групата Аутмајнд. 
Музика и муабет на радио, идеална варијанта за понеделник.
Стриминг на http://radiostream.neotel.mk:8000/kanal103.m3u 
http://radiostream.neotel.mk/kanal103 и http://radio.spodeli.org/103?play 

Снимка од разговорот со Роботек во „60 минути со Соња Исмаил"

Снимка од разговорот со Роботек во „60 минути со Соња Исмаил" на Канал 103 од 04.03.2013 година. 
http://www.mixcloud.com/sonjaismail/60-103-04032013/

Роботек во „60 минути со Соња Исмаил" на Канал 103 ::: понеделник 04.03.2013

Роботек во „60 минути со Соња Исмаил" на Канал 103. За музиката што сака да ја слуша, за музиката што ја создава, за она што се нарекува сцена, за Скопје, за животот, на кратко :)
Бидете со нас, во понеделник 04.03.2013 од 21-22 ч. на Канал 103.

За оние без класичен радио приемник, ова се линковите за стриминг: 
http://radiostream.neotel.mk:8000/kanal103.m3u 
http://radiostream.neotel.mk/kanal103 
http://radio.spodeli.org/103?play 

Снимка од 60 минути со Лука Кортина

Снимка од 60 минути со Лука Кортина на Канал 103 од 28.01.2013 година. За слободата и нејзината (не)дофатливост, за начините на нејзиното освојување, за театарот, но и за музиката која што го бои неговото секојдневие.

http://www.mixcloud.com/sonjaismail/60-103-28022013/

60 минути со Лука Кортина на Канал 103 ::: 28.01.2013 ::: 21-22 ч.

Драги слушатели,

со радост ви го најавувам гостувањето на Лука Кортина во најновото издание на „60 минути со Соња Исмаил" на Канал 103, во понеделник 28.01.2013 од 21 до 22 ч. Лука Кортина веќе седум години живее во Скопје. Тука дојде од Фиренца, Италија по препорака на познатиот режисер Паоло Маѓели и студираше театарска режија на ФДУ во класата на Слободан Унковски. Последниве години интензивно работи како помошник режисер (во и вон Македонија) на Александар Поповски. Беше селектор на минатогодишната програма на Драмскиот аматерски фестивал во Кочани, а постојано режира и остварува и други активности во сферата на театарот и културата. На 14 ноември минатата година во кумановскиот театар се одржана премиера на претставата „Духот на слободата“, според недовршен текст од Војдан Чернодрински, а „комплетиран“ од Горан Стефановски, во режија на Лука Кортина. Со Лука вечерва ќе разговараме за слободата и нејзината (не)дофатливост, за начините на нејзиното освојување, но секако и за музиката која што го бои неговото секојдневие.

Бидете со нас, во понеделник 28.01.2013 од 21 до 22 ч. на Канал 103.

За оние без класичен радио приемник, ова се линковите за стриминг:

http://radiostream.neotel.mk/kanal103 и http://radio.spodeli.org/103?play

Традицијата продолжува! Зоки Бејбе во првата емисија оваа година! Понеделник 07.01.2013 ::: 21-22 ч. ::: Канал 103

Драги слушатели,

Со задоволство би сакала да ве информирам дека традицијата продолжува. Како и претходните неколку години, во првото издание на „60 минути со Соња Исмаил" на Канал 103 во новата 2013-та година, гостин ќе ми биде мојот драг и почитуван пријател Зоки Бејбе. Се надевам дека знаете што да очекувате. Музика, блесави разговори и секако, смеење. Само за вас, во понеделник 07.01.2013, од 21-22 ч. на Канал 103. За оние без класичен радио приемник, ова се линковите на кои што ќе можете да не следите во живо. http://radiostream.neotel.mk/kanal103 и http://radio.spodeli.org/103?play

Листа на најслушани албуми за 2012-та година на Соња Исмаил

Листа на најслушани албуми за 2012-та година на Соња Исмаил

(60 минути со Соња Исмаил на Канал 103)

1. Dead Can Dance – Anastasis (Play It Again Sam Recordings)
2. Tindersticks - The Something Rain (Lucky Dog/City Slang/Constellation)
3. Twin Shadow - Confess (4AD)
4. Saschienne - Unknown (Kompakt)
5. Chromatics - Kill For Love (Italians Do It Better)
6. Mock & Toof - Temporary Happiness (Tiny sticks)
7. The Sea And Cake – Runner (Thrill Jockey)
8. dEUS - Following Sea (Play It Again Sam)
9. Public Image Ltd - This is PiL (PiL Official)
10. Layo And Bushwacka – Rising And Falling (Olmeto)

Снимка од разговорот со СИЗ

Снимка од разговорот со Ивица Димитријевиќ и Филип Станчевски од бендот СИЗ (Самоуправна Интересна Заедница) од последната епизода на "60 минути со Соња Исмаил" на Канал 103.
http://www.mixcloud.com/sonjaismail/60-siz-103-19112012/

СИЗ во "60 минути со Соња Исмаил" на Канал 103 ::: понеделник 19.11.2012

Драги пријатели и слушатели, 
Со извонредна радост ви го најавувам гостувањето на Ивица Димитријевиќ и Филип Станчевски од бендот СИЗ (Самоуправна Интересна Заедница) во новата епизода на "60 минути со Соња Исмаил" на Канал 103.
СИЗ е прилично млад бенд кој доаѓа од Куманово. За нецела година, веќе имаат багаж како сериозен бенд со повеќегодишен стаж. Имаа одлична европска турнеја со ХаХаХа и го издадоа нивниот прв албум Responsibility за издавачката куќа Направи Заедно.
Вечер со Ивица и Филип ќе разговараме за музиката што ја создаваат, но ќе чуеме и дел од музиката која што ги инспирира и го бои нивното секојдневие. Не пропуштајте, овие момци рокаат! Се слушаме вечер, понеделник 19.11.2012, од 21-22 ч. на Канал 103.
Оnline streaming: http://radiostream.neotel.mk:8000/kanal103.m3u http://radiostream.neotel.mk/kanal103