Повелете снимка од извонредниот настап во живо на Herzel & Genoveva во "60 минути со Соња Исмаил" на Канал 103, од понеделник 04.06.2012.
Pure pleasure!
http://www.mixcloud.com/sonjaismail/60-herzel-genoveva/
Tracklist:
01 Brown Paper Bag (Deer Remix) (unreleased)
02 Brown Paper Bag (Shcaa Remix) (unreleased)
03 Distant Shapes (riot riot technique)
04 Chroma Feel (dubwax)
05 The Mirror (other heights)
06 No More Lies (other heights)
07 The Safe Place (H&G's the safest edit) (unreleased)
08 Recondite - Defuse (Herzel's State Of Flow Remix) (forthcoming on plangent records)
09 Sidechains (unreleased)
10 Lichtraum (unreleased)
11 The Action Of Staying (dubwax)
Почитувани,
Со неизмерна радост ви го најавувам настапот во живо на Herzel & Genoveva, во "60 минути со Соња Исмаил" на Канал 103, во понеделник 04.06.2012 од 21-22 ч.
Genoveva e уникатна вокалистка и продуцент од Скопје, која соработува со македонски и странски артисти кои создаваат електронска музика.
Herzel e проект на Александар Гроздановски, роден во Битола, школуван како академски фотограф во Софија, кој во моментов живее и работи во Скопје. Herzel е природен след на многу години активно слушање, пуштање и создавање музика. EP трилогијата "Maps and Thoughts" на Herzel беше издадена од македонскиот издавач Filter Label во 2011 година. Во 2012 следуваа уште едно EP за Greenfields (net label од Македонија), a најсвежи се изданијата за издавачките куќи Other Heights (Белгија) и Dubwax (Германија).
По неколкуте настапи во април во Берлин, Herzel и Genoveva за прв пат настапија во Скопје во клубот Капан ан во рамките на Argumento вечерите.
Музиката на Herzel и Genoveva е carte blanche за нивната извонредно емотивна, искрена, пулсирачка и нова планета.
Бидете со нас, во понеделник 04.06.2012, од 21-22 ч. на Канал 103.
Стриминг во живо на http://217.16.69.17:8000/kanal103.mp3.m3u или http://radio.bittshare.org/?mount=%2F103.ogg
Снимка од гостувањето на Небојша Тодоровски и Зоран Зафировски од кумановскиот бенд Хипнополис во "60 минути со Соња Исмаил" на Канал 103. Разговор и премиерно преслушување на нивниот надоаѓачки деби албум. Уживајте!
http://www.mixcloud.com/sonjaismail/60-07052012/
Почитувани,
со неизмерно задоволство ви го најавувам гостувањето на Да Џака Накот во "60 минути со Соња Исмаил" на Канал 103, во понеделник 30-ти мај, од 21-22 ч.
Повод за оваа радио дружба е издавањето на пакет од 10, токму така, десет албуми со наслов Божјиот прототип, кој ќе се состои од два дискови, еден во аудио формат на кој е впишан новиот материјал, додека на вториот диск во mp3 формат ќе ја има колекцијата од претходните изданија.
Ова делукс издание ќе содржи буклет со текстовите и бонус ЦД насловено "Се' под рајот" во кое се наоѓаат претходните изданија на Да Џака Накот како "Неопходно зло", "Нема повеќе тајни", "Биомеханика", "Прирачник за модерна војна"... но и многу други необјавени и ретки песни во кои што е инволвирана целата македонска хип хоп сцена од Легијата, Темната страна, па се' до Единствена опција. Новиот материјал на Да Џака Накот содржи 15 нови песни снимени во Шурикен Рекордс и Bootlegz Bassement ent. во периодот од 2010-2012 година и е во целост продуциран од Да Џака Накот и легендата на македонскиот хип хоп DJ Гоце од С.А.Ф. Како гости на албумот се појавуваат Страјк и српските хип хоп изведувачи Дон Дада и Б'вана
Во "60 минути со Соња Исмаил" на Канал 103 ќе имате прилика за прв пат да чуете некои нови песни од лабораторијата на Џака и секако, многу повеќе детали за создавањето на ова издание.
Бидете со нас, во понеделник 30-ти мај, од 21-22 ч. на Канал 103.
Стриминг во живо на http://217.16.69.17:8000/kanal103.mp3.m3u
Почитувани,
со нескриено задоволство ви го најавувам премиерното преслушување на албумот Silent in the Crowd, на Сашко Костов во вечерашното издание на "60 минути со Соња Исмаил" на Канал 103.
Во емисијата гостин ќе биде и Сашко Костов, со кој ќе поразговараме за работата и процесот на создавање на ова, за него второ долгосвиречко музичко остварување на кое работеше заедно со неговиот бенд The Waiting Waits (Славчо Пеев, Оливер Тевчев, Игор Лефтеров), а исто така има и многу гости како Антоние Аранѓеловиќ, Техамана Скендеревска, Сеад Хаџиќ, Серафедин Куртов, Игор Иванов и Антоан Курт.
Бидете со нас, од 21-22 ч. на брановите на Канал 103.
Online streaming: http://217.16.69.17:8000/kanal103.mp3.m3u
Разговот со Kimiko од Загреб во "60 минути со Соња Исмаил" на Канал 103. Прескокнете ги првите 15 минути бидејќи имавме технички проблеми кои не успеавме да ги надминеме, а потоа уживајте во преостанатото време :)
Kimiko е бенд од Загреб, Хрватска, кој веќе подолго време функционира на локалната сцена со променлив лајн-ап и музички стилови. Почнувајќи од четворочлен брит-поп состав па сè до шесточлена нојз машина, конечно се смирија како електро-поп дуо, кое го сочинуваат Lora Šuljić и Zoran Pleško. Станаа познати, свирејќи на локалните фестивали, како EXIT, Žedno Uho и VUM, а ја освоија и наградата MegaMuzika за најдобар нов настап во Хрватска во 2008 година.
По настапот во живо во рамките на емисијата Ако никој не свири на Канал 103, а пред концертот кој што ќе го имаат за скопската публика во среда во Ла Кања, во понеделник Kimiko со интервју во 60 минути со Соња Исмаил на Канал 103.
Слушајте не, од 21-22 ч. на Канал 103.
Стриминг во живо на http://217.16.69.17:8000/kanal103.mp3.m3u
