Снимка од 60 минути со Kimiko на Канал 103

Разговот со Kimiko од Загреб во "60 минути со Соња Исмаил" на Канал 103. Прескокнете ги првите 15 минути бидејќи имавме технички проблеми кои не успеавме да ги надминеме, а потоа уживајте во преостанатото време :)

http://www.mixcloud.com/sonjaismail/60-kimiko-103-26032012/

Kimiko во 60 минути со Соња Исмаил на Канал 103 ::: понеделник 26.03.2012 ::: 21-22 ч.

Kimiko е бенд од Загреб, Хрватска, кој веќе подолго време функционира на локалната сцена со променлив лајн-ап и музички стилови. Почнувајќи од четворочлен брит-поп состав па сè до шесточлена нојз машина, конечно се смирија како електро-поп дуо, кое го сочинуваат Lora Šuljić и Zoran Pleško. Станаа познати, свирејќи на локалните фестивали, како EXIT, Žedno Uho и VUM, а ја освоија и наградата MegaMuzika за најдобар нов настап во Хрватска во 2008 година.
По настапот во живо во рамките на емисијата Ако никој не свири на Канал 103, а пред концертот кој што ќе го имаат за скопската публика во среда во Ла Кања, во понеделник Kimiko со интервју во 60 минути со Соња Исмаил на Канал 103.
Слушајте не, од 21-22 ч. на Канал 103.
Стриминг во живо на http://217.16.69.17:8000/kanal103.mp3.m3u

Снимка од 60 минути со Ана Јовковска на Канал 103

Снимка од разговорот со Ана Јовковска во "60 минути со Соња Исмаил" на Канал 103.
http://www.mixcloud.com/sonjaismail/60-12032012/

Ана Јовковска во 60 минути на Канал 103 ::: понеделник 12.03.2012 ::: 21-22 ч.

Драги слушатели,
Во најновата епизода на "60 минути со Соња Исмаил", повторно имам драга гостинка.
Ана Јовковска е новинарка, која со својата емисија Пулс, веќе неколку години внесува светлина во извонредно контаминираниот медиумски простор во Македонија.
Со Ана ќе поразговараме за последните непријатни случувања, напливот на национализам, говор на омраза, одговорноста на медиумите, но и за можноста и желбата да се живее заедно, да се надминат тензиите и да се понуди еден поинаков концепт за заеднички живот во општество подеднакво добро за сите негови граѓани.
Бидете со нас од 21-22 ч. на Канал 103.
Можете да не слушате на вашите радио приемници или на стриминг на: http://217.16.69.17:8000/kanal103.mp3.m3u