"60 минути со Соња Исмаил" е емисија која се емитува на Канал 103, секој понеделник од 21-22 ч.
Оваа емисија е продолжение на емисијата "Storytelling" која се емитуваше на истото радио 4 години, секоја недела од 18-20 ч.
"60 минути со Соња Исмаил" ќе се обиде да го надитри временскиот лимит, и во ексклузивните 60 минути да понуди фина музика и интересни гости.
Драги пријатели, со задоволство ви го најавувам гостувањето на Камка Тоциновски во следната епизода на "60 минути со Соња Исмаил" на Канал 103. За неупатените, Камка е извонредно талентирана актерка, со одиграни завиден број на улоги што на театарските штици, што на филм. Помеѓу останатото, таа е една од ретките скопјанки со став и стас, а секако и девојка со интересен музички сензибилитет. Бидете со нас, во понеделник 31 октомври, од 21-22 ч. на Канал 103.
Почитувани, со задоволство ви го најавувам гостувањето на Златко Ориѓански во најновото издание на "60 минути со Соња Исмаил" на Канал 103. Бидејќи се сомневам дека има неупатени меѓу вас во творештвото на Златко Ориѓански и неговото значење за македонската музика и култура, ќе ја прескокнам увертирата и ќе ве поканам да бидете со нас во понеделник 17 октомври 2011, од 21-22 ч. на Канал 103. За оние без класичен радио приемник и оние надвор од Скопје, ова е линкот преку кој што ќе можете да ја следите програмата на Интернет. http://217.16.69.17:8000/kanal103.mp3.m3u Се слушаме!
Драги пријатели,
